کراچی (لاہورنامہ) معروف اداکارہ عائزہ خان نے خوابوں کو پورا کرنے میں مدد کرنے پر اپنے شوہر و اداکار دانش تیمور کا شکریہ ادا کیا ہے۔
فوٹوز اینڈ ویڈیو شیئرنگ ایپ انسٹاگرام پر انھوں نے شوہر دانش تیمور کے ساتھ اپنی ایک خوشگوار تصویر شیئر کی۔ مہرپوش کی مہرو نے فوٹو شیئر کرتے ہوئے لکھا کہ میرے خوابوں کو حاصل کرنے میں میری مدد کرنے پر آپ کا شکریہ، مجھے آپ سے بہتر ہمسفر کی تمنا نہیں ہوسکتی تھی۔
شوبز میں مقبولیت کی بلندیوں کو چھونے والی عائزہ کی اس پیار بھری پوسٹ کو ان کے مداحوں نے خوب پسند کیا۔ مداحوں کے ساتھ ساتھ شوبز سے تعلق رکھنے والے ساتھی اسٹارز نے بھی اس پر پیار بھرے تبصرے کیے۔ خیال رہے کہ پاکستانی شوبز انڈسٹری کی اس نامور جوڑی نے 2014 میں شادی کی تھی۔
