لاہور (لاہورنامہ) پی ایچ اے اور پاکستان اولمپکس ایسوسی ایشن کی ورلڈ اولمپکس ڈے کے حوالے سے باغ جناح میں تقریب کا انعقاد کیا گیا۔ تقریب میں ٹبیل ٹینس کے کھلاڑیوں کے درمیان خصوصی میچ بھی ہوا۔
تقریب میں پاکستان اولمپکس ایسوسی ایشن سینئر وائس پریزیڈنٹ محمد جاوید ، سیکرٹری جنرل پاکستان اولمپکس ایسوسی ایشن محمد خالد،ٹیبل ٹینس ایسوسی ایشن پنجاب کے صدر عرفان اللہ خان ، سیکرٹری جنرل ٹیبل ٹینس ایسوسی ایشن پاکستان احمر علی ملک، ڈائریکٹری سپورٹس پی ایچ اے عامر ابراہیم، پروجیکٹ ڈائریکٹر گلزارسمیت ٹیبل ٹینس کے کھلاڑیوں نے بھی شرکت کی ۔
اس موقع پر ٹیبل ٹینس ایسوسی ایشن پنجاب کے صدر عرفان اللہ خان نے کہا کہ ٹبیل ٹینس کے فروغ کیلئے ایچ اے کی کاوشیں قابل تعریف ہیں ۔ورلڈ اولمپکس ڈے کے ٹیبل ٹینس میچ کا انعقاد پر پی ایچ اے اور پاکستان اولمپکس انتظامیہ مبارکباد کی مستحق ہے ۔
سیکرٹری جنرل ٹیبل ٹینس ایسوسی ایشن پاکستان احمر علی ملک نے کہا کہ پی ایچ اے اور پاکستان اولمپکس ایسوسی ایشن کی ورلڈ اولمپکس ڈے سے تقریب احسن اقدام ہے ۔ مزید اس طرح کے میچز کا انعقاد ٹبیل ٹینس کے فروغ کا باعث بننے گا۔
