لاہور (لاہورنامہ) لاہور پولو کلب کے زیراہتمام برائیٹو پینٹس لاہور اوپن پولو چیمپئن شپ 2021ء کے ساتویں دن ڈائمنڈ پینٹس /شیخو سٹیل نے ماسٹر پینٹس کو 5-2 سے ہرا دیا۔
تفصیلات کے مطابق لاہور پولو کلب میں برائیٹو پینٹس کے تعاون سے لاہور اوپن پولو چیمپئن شپ میں دلچسپ مقابلے جاری ہیں۔ اس موقع پر لاہور پولو کلب کے صدر عمر صادق، سیکرٹری آغا مرتضی علی خان، ایگزیکٹو کمیٹی ممبرز شاہ قبلائی عالم، ثاقب خان خاکوانی اور آغا نجیب رضا شامل ہیں۔
ڈائمنڈ پینٹس /شیخو سٹیل نے ماسٹر پینٹس کی ٹیم کو 5-2 سے ہرا دیا۔ڈائمنڈ پینٹس /شیخو سٹیل کی طرف سے ایندرس لورنٹے نے چار گول جبکہ میر حذیفہ احمد نے ایک گول سکور کیا۔ ماسٹر پینٹس کی طرف سے بلال حئی اور فاروق امین صوفی نے ایک ایک گول سکور کیا۔ آج بروز منگل کو تین اہم میچز کھیلے جائیں گے۔
دوپہر ساڑھے بارہ بجے منوں پولو کا مقابلہ نیوایج کیبلز /رضویز سے، دوپہر ڈیڑھ بجے ریجاس ڈویلپمنٹ /ماسٹر پینٹس کا مقابلہ ری ماؤنٹس سے جبکہ اڑھائی بجے باڑیز /بی این ٹو کا مقابلہ ایچ این پولو سے ہوگا۔
