سمر قند (لاہورنامہ) وزیر اعظم شہباز شریف نے روس کے صدر ولادی میر پیوٹن سے ملاقات کی جس میں دوطرفہ تعلقات سمیت مختلف امورپر تبادلہ خیال کیا گیا ۔
وفاقی وزیر اطلاعات و نشریات مریم اور نگزیب کے مطابق وزیراعظم شہباز شریف نے روس کے صدر ولادی میر پیوٹن سے ملاقات کی وفاقی وزیر اطلاعات و نشریات مریم اورنگزیب نے دونوں رہنمائوں کے درمیان ملاقات کی تصاویر سوشل میڈیا پلیٹ فارم ”ٹوئٹر” پر شیئر کر دیں۔ واضح رہے کہ وزیراعظم شہباز شریف ایس سی او سمٹ میں شرکت کے لئے ازبکستان کے دورہ پر ہیں۔
