لاہور (لاہورنامہ) لاہور آرٹس کونسل الحمراء میں ہمددر مشاعرہ بیاد ِ امجد اسلام امجد کا انعقاد کیا گیا۔ مشاعرہ ٗ الحمراء اور ہمددر پاکستان کی مشترکہ تعاون سے منعقد ہوا۔
عظیم شاعر امجد اسلام امجد کو انکی خدمات پر زبردست خراج عقید ت پیش کیا گیا۔ چیئرمین الحمراء قاسم علی شاہ نے نامور شاعر امجد اسلام امجد کے ساتھ گزاری خوشگوار یادوں کو سامعین کے ساتھ شیئر کیا۔ایگزیکٹوڈائریکٹر محمد سلیم ساگر نے اس موقع پر کہا کہ مشاعرے ہمارے تہذیبی روایت ہے.
الحمراء نے شعر و شاعری کو دوام بخشا ،مشاعرہ ٗ خوبصورت ادبی سرگرمی ہے، لوگوں میں بے پناہ ذوق پایا جاتا ہے ،الحمراء تواتر سے مشاعرے منعقد کروا رہا ہے، اچھے شعر پر شاعر کی تحسین کی جاتی ہے،شعراء وادیب ہمارا اثاثہ ہیں،اہل قلم کی قدر افزائی کرتے ہیں،نئی نسل کا اپنی تہذیبی روایت سے جڑے ہونا خوش آئندہے۔
صدر ہمددر فائونڈیشن پاکستان سعدیہ راشد نے اپنے پیغام میں کہا کہ علمی وادبی محافل سجانے میں ہمددر بڑھ چڑھ کر اپنا کردار ادا کر رہا ہے ۔مشاعرہ میں حکیم سعید کی خدمات کو بھی بھرپور سراہا گیا۔مشاعرہ کی صدارت ڈاکٹر تحسین فراقی نے کی جبکہ نامور شاعر کیپٹن عطا ء محمد خان مہمان خصوصی تھے۔
مشاعرہ میں نامور شعرائے کرام کیپٹن عطا محمد خان، واجد امیر ،ناصر بشیر ،حسنین سحر،صائمہ آفتاب ، نیاز حسین لکھویرانے اپنا کلام پیش کیا۔شبیر حسن ،راحیلہ اشرف راجپوت، تسنیم کوثر، سیماب ظفر اور اقبا ل پیام بھی مشاعرہ کا حصہ تھے۔ڈپٹی ڈائریکٹر ہمددر علی بخاری نے تمام مہمانوںکو شکریہ ادا کیا۔مشاعرہ کی نظامت نیاز حسین لکھویرا اور نوین روما نے کی۔
