بیجنگ (لاہورنامہ) چینی وزارت خارجہ کے ترجمان وانگ ون بین نے امریکی وزیر تجارت ریمنڈو کے دورہ چین کے بارے میں ایک صحافی کے سوال کے جواب میں کہا کہ چین کے وزیر اعظم لی چھیانگ نے گزشتہ روز وزیر خارجہ ریمنڈو سے ملاقات کے دوران نشاندہی کی تھی کہ باہمی احترام، پرامن بقائے باہمی اور مشترکہ کامیابیوں پر مبنی تعاون چین امریکہ تعلقات کا صحیح راستہ ہے۔
امید کی جاتی ہے کہ امریکہ چین کے ساتھ مل کر دونوں ممالک کے تعلقات کو برقرار رکھنے اور فروغ دینے کے لئے مزید عملی اور فائدہ مند اقدامات اٹھائےگا۔ وزیر خارجہ ریمنڈو نے کہا کہ بائیڈن انتظامیہ چین کی اقتصادی ترقی کی حمایت کرتی ہے.
چین کی ترقی کو روکنے کا کوئی ارادہ نہیں ہے، اور چین سے ڈی کپلنگ نہیں چاہتی۔ امریکہ مصنوعی ذہانت، آب و ہوا کی تبدیلی اور فینٹانل کا مقابلہ کرنے جیسے شعبوں میں چین کے ساتھ تعاون کو مضبوط بنانے کا بھی خواہاں ہے۔
وانگ ون بین نے کہا کہ ایک حالیہ سروے سے یہ بھی پتہ چلتا ہے کہ چین میں 66 فیصد امریکی کمپنیاں اگلے دو سالوں میں چین میں اپنی سرمایہ کاری برقرار رکھیں گی یا اس میں اضافہ کریں گی۔
ہم امید کرتے ہیں کہ امریکہ چین سے ڈی کپلنگ نہ کرنے سمیت اپنے دیگر وعدوں پر عمل کرےگا تاکہ دونوں ممالک کے درمیان اقتصادی اور تجارتی تعلقات کی صحت مند ترقی کے لیے ایک اچھا ماحول پیدا کیا جا سکے۔
