لاہور(لاہورنامہ)فاؤنڈر گروپ کے سرگرم رکن پاکستان سٹون ڈویلپمنٹ کمپنی کے بور ڈ آف ڈائریکٹرز کے رکن خادم حسین سینئر نائب صدر فیروز پور بورڈ ایگزیکٹو ممبرلاہور چیمبرز آف کامرس نے کہا ہے کہ 6ستمبر کو پاک افواج اور عوام نے بہادری اور قربانیوں کی لازوال داستان رقم کی جسے رہتی دنیا تک یاد رکھا جائے گا۔
آج کا دن جنگ ستمبر کے شہداء کو خراج تحسین عقیدت کرنے کا دن ہے جنہوں نے ملک و قوم کی بقاء اور سلامتی کیلئے اپنی قیمتی جانوں کا نذرانہ پیش کیا یوم دفاع افواج پاکستان لازوال عزم، جذبوں،بہادی کی یاد دلاتا ہے۔
خادم حسین نے کہا کہ یوم دفاع پر تاجر برادری شہداء غازیوں کو سلام عقیدت پیش کرتی ہے۔قوم دفاع کا جذبہ آج بھی ہماری قوم اور بہادرمسلح افواج میں موجزن ہے۔
یوم دفاع وطن عزیز کی حربی تاریخ کا روشن،زرین اور تابناک دن ہے انہوں نے کہا کہ شہداء کی لازوال قربانیوں کی بدولت وطن عزیر پوری دنیا میں سرخرو ہوا اور دشمن کو پاکستان کی طرف میلی نظروں سے دیکھنے کی جرات بھی نہیں ہوتی۔
