لاہور (لاہور نامہ) جناح پولو اینڈ کنٹری کلب کے زیر اہتمام ٹینی شیس پرائس میٹر پولو کپ 2021ء کے پہلے روز پرائس میٹر نے دلچسپ مقابلے کے بعد پلاٹینم ہومز کی ٹیم کو 8-5 سے ہرا دیا۔
جناح پولو اینڈ کنٹری کلب میں پرائس میٹر ڈاٹ پی کے جو کہ بچت کا سرچ انجن ہے کے تعاون سے آٹھ گول کے ٹورنامنٹ کا پہلا دن تھا۔ اس موقع پر پرائس میٹرکے سی ای او صوفی محمد عامر، کلب کے صدر لیفٹیننٹ کرنل (ر) شعیب آفتاب، سیکرٹری میجر (ر) بابر محبوب، کھلاڑی، فیملیز اور تماشائیوں کی اچھی تعداد گراؤنڈ میں موجود تھے۔
پرائس میٹر ڈاٹ ٹورنامنٹ کا پہلا روز ایکشن سے بھرپور رہا جب پرائس میٹر پی کے کی ٹیم نے پلاٹینم ہومز کو 8-5 سے ہرا دیا۔ پرائس میٹر کی طرف سے مارکوس پنیلو اور فاروق امین صوفی نے شاندار کھیل پیش کیا اور چار اور تین خوبصورت گول سکور کیے جبکہ دیگر میں ممتاز عباس نیازی نے ایک گول سکور کیا۔
پلاٹینم ہومز کی طرف سے عبدالرحمان منوں اور حسام علی حیدر نے دو دو جبکہ قدیر اشفاق نے ایک گول سکور کیا۔ میچ کی امپائرنگ رولو ٹروٹز اور احمد بلال ریاض نے کی۔
