لاہور (لاہور نامہ) جناح پولو اینڈ کنٹری کلب کے زیراہتمام کور کمانڈر ڈائمنڈ پینٹس پولو کپ 2021ء کے پہلے روز ٹیم بی این پولو اور ٹیم باڑیز فاتح رہیں۔
ڈائمنڈ پینٹس کے تعاون سے ہونیوالے کور کمانڈر پولو کپ کے پہلے روزدو دلچسپ میچز کھیلے گئے۔ اس موقع پر ڈائمنڈ پینٹس کے سی ای او میر شعیب احمد، ڈائریکٹر میر حذیفہ احمد، کلب کے صدر لیفٹیننٹ کرنل (ر) شعیب آفتاب، سیکرٹری میجر (ر) بابر محبوب اعوان،تماشائیوں اور فیملیز کی اچھی تعداد موجود تھی۔ پہلے میچ میں بی این پولو ٹیم نے ڈی ایس پولو /اے ایس سی کی ٹیم کو 7-4 سے ہرایا۔
بی این پولو ٹیم کی طرف سے ماریانو ریگل نے تین، بابر نسیم نے دو، احمد علی ٹوانہ اور صوفی محمد ہارون نے ایک گول سکور کیا۔ ڈی ایس پولو /اے ایس سی کی طرف سے حسام علی حیدر نے چاروں گول سکور کیے۔
دوسرے میچ میں سنسنی خیز مقابلے کے بعد ٹیم باڑیز نے ایچ این پولو کو 6-4.5 سے ہرا دیا۔ ٹیم باڑیز کی طرف سے اوسکر رولو ٹروٹز نے چار، حمزہ مواز خان نے دو گول سکور کیے جبکہ ایچ این پولو ٹیم کی طرف سے راجہ میکائل سمیع نے دو جبکہ راجہ سمیع اللہ اور حیدر نسیم نے ایک ایک گول سکور کیا۔
آج بروز بدھ پاکستان پارک میں دو میچز کھیلے جائیں گے۔ پہلے میچ میں دوپہر دو بجے نیوایج کیلبز کا مقابلہ ایف جی پولو /ڈائمنڈ پینٹس کی ٹیم کے ساتھ جبکہ سہ پہر تین بجے ٹیم اے ایس سی کا مقابلہ ری ماؤنٹس کے ساتھ ہوگا۔
