لاہور (لاہورنامہ) معاون خصوصی اطلاعات پنجاب ڈاکٹر فردوس عاشق اعوان نے کہا ہے کہ ہر شہری کو کورونا سے بچا وکی ویکسین لگا کر عوام کی زندگیاں محفوظ بنائی جائینگی،
آنے والے دنوں میں ویکسینیشن کے عمل کو مزید تیز اور بہتر کیا جائے گا۔ سماجی رابطے کی ویب سائٹ پر ٹو ئٹر پر اپنے بیان میں فردوس عاشق اعوان نے کہا کہ وزیراعظم عمران خان کی قیادت میں حکومت ایک کروڑ شہریوں کو کورونا ویکسین لگوا چکی ہے،
وزیراعظم نے کورونا کے محاذ پر جو بہترین حکمت عملی اختیار کی پوری دنیا اس کی معترف ہے۔ فردوس عاشق اعوان کا کہنا تھا کہ حکومت کو ایک جانب قیمتی جانوں کا تحفظ تو دوسری جانب روزگار، خوراک کی فراہمی کا دوہرا چیلنج درپیش تھا، پی ٹی آئی حکومت نے دانشمندانہ فیصلوں سے عوام کی جانوں کا تحفظ، روزگار و خوراک کی فراہمی کو یقینی بنایا۔
