کراچی (لاہورنامہ)پاکستان میوزک انڈسٹری کے نوجوان گلوکار عاصم اظہر نے بالی ووڈ گانا گنگنگا کر مداحوں کی خواہش پوری کردی۔
on popular demand.. chaand chupa badal mai 🥰 pic.twitter.com/TS9EDrfxM4
— Asim Azhar (@AsimAzharr) June 29, 2021
سماجی رابطے کی ویب سائٹ ٹوئٹر پر عاصم اظہر نے اپنی ایک ویڈیو شیئر کی ہے جس میں بالی ووڈ اداکارہ ایشوریا رائے اور سلمان خان کی فلم ‘ہم دل دے چکے صنم’ کا مقبول ترین گانا ‘چاند چْھپا بادل میں’ گنگنا رہے ہیں۔ویڈیو میں دیکھا جاسکتا ہے کہ عاصم اظہر بڑی ہی خوبصورتی سے اپنی سْریلی آواز میں بالی ووڈ گانا گنگنا رہے ہیں۔
عاصم اظہر نے ویڈیو شیئر کرتے ہوئے کیپشن میں لکھا کہ ‘مداحوں کی بیحد فرمائش پر چاند چْھپا بادل میں حاضر ہے۔گلوکار کی آواز میں بالی ووڈ گانا سْن کر مداح بہت خوش ہوگئے ہیں اور محبت بھرے تبصرے کرکے عاصم اظہر کی تعریف کررہے ہیں۔واضح رہے کہ ماضی میں عاصم اظہر اور ہانیہ عامر کے درمیان گہری دوستی قائم تھی .
بعد ازاں دونوں نے راہیں جدا کرلی تھیں جس کے بعد گلوکار کو شدید تنقید کا نشانہ بنایا گیا تھا۔اب تقریباً دیڑھ برس بعد گزشتہ دنوں ہانیہ عامر اور عاصم اظہر میں سوشل میڈیا پر لفظی جنگ جاری رہی۔اس جنگ کی وجہ سے عاصم اظہر اور ہانیہ عامر خبروں کی سرخیوں کی زینت بنے رہے۔
