اسلام آباد (لاہورنامہ) پاکستان تحریک انصاف کے سینیٹر فیصل جاوید نے کہاہے کہ پی ڈی ایم والے ایک بار پھر عوامی مفاد کی قانونی سازی پر بلیک میل کرنے اور این آر او کی مانگتے کی کوشش کررہے ہیں۔
سینیٹر فیصل جاوید نے کہاکہ پی ڈی ایم الیکشن ریفارمز پر بارگین چاہتی ہے، ایک بار پھر عوامی مفاد کی قانونی سازی پر بلیک میل کرنے اور این آر او کی مانگتے کی کوشش کررہے ہیں۔ انہوں نے کہاکہ اگر نیب قوانین میں انکی مرضی کی 34 شقیں مان لیں تو یہ الیکٹرانک ووٹنگ مشین اور بیرون ملک مقیم پاکستانیوں کا ووٹنگ کا حق قبول کر لینگےـ
سینیٹر فیصل جاوید خان نے کہاکہ یہ ہر عوامی مفاد کی قانون سازی پر بارگین چاہتے ہیں ـ سینیٹر فیصل جاوید خان نے کہاکہ تین سالوں میں این آر او لینے کی ہر کوشش ناکام ہوئی اور اب بھی انہیں ناکامی ہوگی ،سینیٹر فیصل جاوید خان نے کہاکہ جیسا کہ عمران خان صاحب نے کہا تھا کہ لوگ کرپشن بچانے کے لیے باہر نہیں نکلتے بلکہ کرپشن کیخلاف نکلتے ہیں۔
انہوں نے کہاکہ انکے پاس واحد راستہ تعمیری اپوزیشن ہے ،پی ڈی ایم کی گاڑی کو بار بار سٹارٹ کرنے کی ناکام کوششیں جاری ہیں مگر اسکا انجن ہی کام نہیں کر رہا ـ سینیٹر فیصل جاوید خان نے کہاکہ دھکا سٹارٹ گاڑی کو عوام نے پھر مسترد کردیا ، اتنی پارٹیز ملکر بھی لوگوں کو اکٹھا نہیں کر پا رہیں ـ سینیٹر فیصل جاوید خان نے کہاکہ انکے ساتھ یہ ہی ہونا تھا ، انکی ناکامی کا پورا کریڈٹ عوام کو جاتا ہے ۔
