لاہور (لاہورنامہ) ایگزیکٹو ڈائریکٹر لاہور آرٹس کونسل الحمراء اعجاز احمد منہاس نے کہا ہے کہ الحمراء عشرہ رحمتہ اللعالمین ﷺ کو بھرپور تزک و احتشام کے ساتھ منائے گا،
اس موقع پر خطاطی کا مقابلہ بعنوا ن ”اسم محمد ﷺ“ منعقد کیا جائے گا،خطاطی اسلامی فنون میں بنیادی حیثیت رکھتی ہے، خطاطی قدیم تہذبیوں کی عکاس، تمدنی شعور کا خوبصور ت اظہار ہے۔اعجاز احمد منہاس نے کہا ہے کہ الحمراء اسلامی ورثہ کو احسن انداز میں اجاگر کر رہا ہے،مقابلہ جیتنے والوں کی بھرپور حوصلہ افزائی کی جائے گی،
حضرت محمد مصطفیﷺہر مسلمان کے دل میں بستے ہیں،اسوہ حسنہ ہمارے لئے بہترین نمونہ ہے۔ڈائریکٹر الحمراء ذوالفقار علی زلفی نے اس حوالے سے اپنے تاثرات میں کہا کہ وجہ تخلیق کائنات،رہبر انسانیت،خاتم النبین ﷺ ہمارے ایمان کی بنیاد ہیں،مقابلہ کامقصد سیرت النبیﷺ کو اجاگر کرنا ہے۔
ترجمان الحمراء کے مطابق‘مقابلہ خطاطی میں شرکت کیلئے 20برس سے زائد عمر کے آرٹسٹ اپنا کام04اکتوبر2021 تک جمع کروا سکتے ہیں،مقابلہ میں پہلی پوزیشن حاصل کرنے والے کو 50ہزار،دوسری کو 30ہزارجبکہ تیسری پوزیشن پر آنے والے آرٹسٹ کو20ہزار انعام دیا جائے گا۔
