اسلام آباد میں موسلا دھار بارش ، راول ڈیم بھر گیا، اسپل ویز کھول دیے

اسلام آباد (لاہورنامہ) وفاقی دارالحکومت اسلام آباد میں گزشتہ روز ہونے والی موسلا دھار بارش کے باعث راول ڈیم بھر گیا۔اسلام آباد انتظامیہ کے مطابق راول ڈیم میں پانی ذخیرہ کرنے کی گنجائش 1752 فٹ ہے اور گزشتہ شب ہونے والی موسلا دھاربارش سے راول ڈیم میں پانی کی سطح 1752 فٹ تک پہنچ گئی۔ راول ڈیم کے اسپل ویز کھول دیے گئے۔اسسٹنٹ کمشنر سیکرٹریٹ کی انتظامیہ کو اسپل ویز کھولنے سے قبل ضروری اقدامات کی ہدایت کر دی گئی ہیں۔