اسلام آباد (لاہورنامہ)وزیراعظم کے معاون خصوصی برائے سیاسی ابلاغ ڈاکٹر شہباز گِل کا کہنا ہے کہ غریب طبقے کا احساس اور آسانی پیدا کرنا عمران خان کا مشن ہے۔
جمعرات کو وزیراعظم کے معاون خصوصی برائے سیاسی ابلاغ ڈاکٹر شہباز گِل نے مریم اورنگزیب کے بیان پر ردعمل دیتے ہوئے کہا کہ عوام کیلئے شروع کیے گئے پروگرامز پر پروپیگنڈا نااہلوں کا وطیرہ ہے،ماضی میں صرف اپنے زیرِ اثر مافیاز کو ٹارگٹڈ سبسڈیز دی گئی تھیں، میاں مفرور تمام تر مافیاز کے سرغنہ تھے۔
ڈاکٹر شہباز گِل نے کہا کہ غریب کے احساس کی وجہ سے وزیراعظم نے عوام کیلئے ٹارگٹڈ سبسڈی کے پلان کا اعلان کیا، غریب طبقے کا احساس اور آسانی پیدا کرنا عمران خان کا مشن ہے،یوٹیلٹی اسٹورز کے ذریعے کم آمدن والے افراد کو ٹارگٹڈ سبسڈی دینا ہماری اولین ترجیح ہے، نااہل درباریوں کی اس اقدام پر بے چینی دیدنی ہے۔
