لاہور (لاہورنامہ) وزیراعلیٰ پنجاب سردار عثمان بزدار کی زیر صدارت ہنگامی اجلاس ہوا جس میں مری میں پیدا ہونیوالی صورتحال کا تفصیلی جائزہ لیا گیا.
وزیراعلیٰ کی پھنسے ہوئے سیاحوں کو نکالنے کیلئے ریسکیو آپریشن کو تیز کرنے کی ہدایت. سیکرٹری تعمیرات و مواصلات مری روانہ، دیگر شہروں سے ضروری مشینری مری پہنچائی جا رہی ہے۔
”مری کو جانے والے تمام راستے بند کر دیئے گئے ہیں۔ خیبرپختونخوا کی حکومت کے ساتھ رابطے میں ہیں۔ رات سے قبل سیاحوں کو نکالنے کیلئے تمام تر وسائل بروئے کار لائے جائیں۔” وزیرِاعلی پنجاب سردار عثمان بزدار نے کہا کہ مری کو آفت زدہ قرار دے کر ایمرجنسی نافذ کر دی گئی ہے.
پولیس کی اضافی نفری کو مری بھجوانے کی ہدایت کی ہے۔امدادی سرگرمیوں کیلئے فوج کو بھی طلب کیا گیا ہے۔ ▪︎پھنسے ہوئے سیاحوں کو کھانے پینے کی اشیاء اور دیگر امدادی سامان ترجیحی بنیادوں پر فراہم کیا جا رہا ہے۔
مری میں کھانے پینے کی اشیاء اور ادویات لے کر جانے والی گاڑیوں کو داخلے کی اجازت ہے۔ انتظامیہ کھانے پینے کی اشیاء اور ادویات کی فراہمی ہر صورت یقینی بنائے گی۔
