لاہور (لاہورنامہ)میچ کے بعد لاہور قلندرز کے کپتان شاہین آفریدی نے کہا ہے کہ کراچی کنگز نے بہت اچھی کرکٹ کھیلی، اچھی کرکٹ کھیل کر باؤنس بیک کریں گے۔
میڈیا سے گفتگو میں شاہین آفریدی نے کہا کہ شروع میں وکٹیں گرنے سے ہدف تک پہنچنے میں مشکل ہوئی، محمد حفیظ رن آؤٹ ہوئے یہ بھی ہماری شکست کی وجہ بنی۔دوسری جانب کراچی کنگز کے کپتان بابر اعظم نے کہا کہ سوچا تھا 180 سے زائد اسکور کریں، بولرز نے بہترین بولنگ کا مظاہرہ کیا۔
انہوں نے کہا کہ ٹی ٹوینٹی کرکٹ میں یارکر کی کافی اہمیت ہوتی ہے، تمام بولرز نے پلان کے مطابق بولنگ کی، کرس جارڈن نے شاندار کیچ پکڑا اور میر حمزہ نے بھی شروع میں اہم وقت پر وکٹیں لیں۔
