کراچی (لاہورنامہ)کوک سٹوڈیو سیزن 14 کے بارہویں گانے ‘گو’ کو انگریزی اور اردو زبان میں جاری کردیا گیا، جس میں عاطف اسلم کے ساتھ عبداللہ صدیقی نے آواز کا جادو جگایا ہے۔’
گو’ عاطف اسلم کو اسی سیزن کا دوسرا گانا ہے، اس سے قبل 23 جنوری کو مومنہ مستحسن کے ساتھ ان کا پنجابی گانا ‘سجن ڈس نہ’ ریلیز کیا گیا تھا۔کوک سٹوڈیو سیزن 14 میں اب تک عاطف اسلم اور مومنہ مستحسن ہی واحد گلوکار بن گئے، جن کے دو دو گانے جاری کیے جا چکے ہیں۔مومنہ مستحسن کا دوسرا گانا ‘بے پروا’ رواں ماہ 7 مارچ کو جاری کیا گیا تھا۔اب تک مجموعی طور پر کوک سٹوڈیو سیزن 14 کے 12 گانے ریلیز کیے جا چکے ہیں.
جن میں سے زیادہ تر گانے پنجابی زبان کے ہیں جب کہ پہلی بار 18 مارچ کو انگریزی اور اردو میں مکس گانا ‘گو’ جاری کیا گیا۔’گو’ کی شاعری عبداللہ صدیقی نے ذوالفقار علی جبار المعروف زلفی کے ساتھ لکھی ہے جب کہ گانے کو کمپوز بھی عبداللہ صدیقی، زلفی اور مانو نے کیا ہے۔گانے کے جاری ہوتے ہی شائقین نے اس کی تعریفیں کیں اور عبداللہ صدیقی سمیت عاطف اسلم کے انداز اور آواز کو بھی سراہا۔
