اسلام آباد (لاہورنامہ)پاکستان تحریک انصاف کے چیئر مین عمران خان نے بھارت کے خلاف میچ میں کامیابی پر پاکستانی ٹیم کو مبارکباد دیتے ہوئے کہاہے کہ مشکل وقت میں قوم کی ہمت اور حوصلہ بڑھانے کیلئے ہمیں ایسی جیت کی اشد ضرورت تھی۔
سابق وزیر اعظم عمران خان نے ٹوئٹر پر بیان جاری کرتے ہوئے کہا کہ دباؤ میں اپنے اعصاب پر قابو رکھنے اور کڑے مقابلے کے بعد جیت اپنے نام کرنے پر ٹیم پاکستان کو مبارکباد پیش کرتا ہوں۔انہوں نے کہا کہ مشکل وقت میں قوم کی ہمت اور حوصلہ بڑھانے کیلئے ہمیں ایسی جیت کی اشد ضرورت تھی۔
