لاہور(لاہورنامہ) معروف اداکارہ صبا قمر نے کہا ہے کہ فلم انڈسٹری کو پاﺅں پر کھڑا کرنے کیلئے فنکاروں کو بھی اپنا کردار ادا کرنا ہو گا.
ڈرامہ انڈسٹری دن بدن مضبوط ہوتی جا رہی ہے جس میں فنکاروں کا انتہائی اہم کردار ہے‘ مجھے امید ہے آنیوالے دنوں میں فلم انڈسٹری کے حالات بہتر ہوں گے۔ اپنے ایک انٹرویو کے دوران صبا قمر نے کہا کہ کسی بھی شعبہ کی مضبوطی کیلئے اس سے وابستہ لوگوں میں اتفاق اور اچھی نیت کا ہونا ضروری ہے اور میں سمجھتی ہوں کہ اگر فلم انڈسٹری کیلئے بھی فنکار اپنا کردار ادا کریں تو مہینوں نہیں دنوں میں فلم انڈسٹری کو دوبارہ مضبوط کیا جا سکتا ہے۔
