دبئی (لاہورنامہ) معروف اداکارہ سجل علی نے ڈرامہ انڈسٹری میں متعارف کرانے پر ہمایوں سعید کا شکریہ ادا کیا ہے۔ دبئی میں فلم ایوارڈ تقریب کے موقع پر اپنے جذبات کا اظہار کرتے ہوئے کہا کہ میں ہمیشہ سے یہ چاہتی تھی کہ مجھے کبھی موقع ملے تو میں اس ایک شخص کا شکریہ ضرور ادا کروں گی، جنہوں نے مجھ پر سب سے پہلے یقین رکھا اور مجھے پہلی بار مجھے بہت سارے لوگوں کے سامنے پرفارم کرنے کا موقع فراہم کیا۔
انہوں نے انکشاف کیا کہ وہ شخص جنہوں نے مجھے یہ موقع فراہم کیا وہ ہمایوں سعید تھے۔ سجل علی نے ہمایوں سعید کا شکریہ ادا کرتے ہوئے کہا کہ سر مجھ پر بھروسہ کرنے کے لیے بہت شکریہ۔واضح رہے کہ اداکارہ سجل علی نے اپنے کیریئر کا آغاز 2011 میں میں ہمایوں سعید کے پروڈکشن ہاوس کے ڈرامے سے کیا تھا۔
