اسلام آباد : وزیراعظم عمران خان نے کہا ہے کہ میں خود کو امن کے نوبل انعام کا حقدار نہیں سمجھتا، مسئلہ کشمیر عوامی امنگوں کے مطابق حل کرنے والا ہی امن کے نوبل انعام کا مستحق ہوگا۔ پیرکو اپنے ٹویٹ میں انہوں نے کہا کہ میں خود کو امن کے نوبل انعام کا حقدار نہیں سمجھتا، اس انعام کا حقیقی مستحق وہی ہوگا جو مسئلہ کشمیر کو کشمیری عوام کی امنگوں کے مطابق حل کرکے برصغیر میں امن اور انسانی ترقی کی راہ ہموار کرے گا۔
