اسلام آباد (لاہورنامہ) وزیراعظم شہباز شریف نے دہشتگردوں کامقابلہ کرتے ہوئے شہادت پانے والے پاک فوج کے جوانوں کو خراج عقیدت پیش کرتے ہوئے کہاہے کہ پاکستان کی مسلح افواج دہشت گردی کے راستے میں آہنی دیوار ہے۔
وزیراعظم محمد شہباز شریف نے دیردونی ضلع شمالی وزیرستان میں دہشت گردوں کا مقابلہ کرتے ہوئے شہادت پانے والے پاک آرمی کے جوانوں حوالدار سلیم خان ، نائیک جاوید اقبال ، سپاہی نذیر خان ، سپاہی حضرت بلال ،سپاہی سید رجب حسین اور سپاہی بسم اللہ جان کو خراج عقیدت پیش کیا ہے۔
وزیراعظم نے شہداء کی بلندی درجات کے لیے دعا اور لواحقین سے اظہار تعزیت کیا اور کہا کہ پاکستان کی مسلح افواج دہشت گردی کے راستے میں آہنی دیوار ہے ۔ شہباز شریف نے کہاکہ پوری قوم سیکورٹی فورسز کے ساتھ کھڑی ہے اور شہداء کو سلام پیش کرتی ہے۔
