بیجنگ (لاہورنامہ)چین کے صدر شی جن پھنگ نے بیجنگ دیایوتائی اسٹیٹ گیسٹ ہاؤس میں سابق امریکی وزیر خارجہ ہنری کسنجر سے ملاقات کی ہے۔
شی جن پھنگ نے نشاندہی کی کہ ڈاکٹر کسنجر نے ابھی اپنی 100 ویں سالگرہ منائی ہے اور آپ سو سے زائد مرتبہ چین کا دورہ کر چکے ہیں۔ مجموعی طور پر یہ دونوں "سو” آپ کے چین کے دورے کو خصوصی اہمیت دیتے ہیں۔ 52 سال قبل چین اور امریکہ ایک اہم موڑ پر تھے.
چیئرمین ماؤ زے تنگ، وزیر اعظم چو این لائی، صدر ریچرڈ نکسن اور آپ نے دور اندیشی کےاسٹریٹجک وژن کے ساتھ چین امریکہ تعاون کا صحیح انتخاب کیا اور چین امریکہ تعلقات کو معمول پر لانے کا عمل کیا ،جس سے نہ صرف دونوں ممالک کو فائدہ ہوا بلکہ دنیا بھی بدل گئی۔
ہم اپنے پرانے دوستوں اور چین امریکہ تعلقات کی ترقی کو فروغ دینے اور چینی اور امریکی عوام کے درمیان دوستی کو بڑھانے میں آپ کی تاریخی خدمات کو نہیں بھولیں گے۔
کسنجر نے کہا کہ میں چین کا دورہ کرنے کے قابل ہونے پر فخر محسوس کر رہا ہوں۔ میں چینی فریق کا بے حد مشکور ہوں کہ انہوں نے دیایوتائی اسٹیٹ گیسٹ ہاؤس کی بلڈنگ 5 میں اس ملاقات کا اہتمام کیا.
یہ وہ جگہ ہے جہاں میں نے پہلی بار چینی رہنماؤں سے ملاقات کی تھی۔ ہمارے دونوں ممالک کے درمیان تعلقات عالمی امن اور انسانی معاشرے کی ترقی سے تعلق رکھتے ہیں۔ "
