بیجنگ (لاہورنامہ)ڈریگن کے چینی سال کے جشن بہار کے تہوار کی آمد کے ساتھ ہی دنیا میں "نئے سال” کے رنگ غالب آرہے ہیں۔ آج دنیا بھر کے تقریباً 20 ممالک جشن بہار کے تہوار کے موقع پر سرکاری تعطیل کرتے ہیں اور دنیا کی آبادی کا تقریباً پانچواں حصہ نئے قمری سال کو مختلف شکلوں میں مناتا ہے۔
حال ہی میں، غیر ملکیوں کی نئے سال کا سامان خریدنے کی ایک ویڈیو انٹرنیٹ پر وائرل ہوئی: ایک برطانوی خاتون نے چینی برانڈ کے الیکٹرک موٹر سائیکل کو نئے سال کے سامان کے طور پر تجویز کیا اور کہا کہ وہ اپنے بھائی کو یہ موٹر سائیکل تحفے میں دے گی۔
چین کے علی بابا گروپ کی ملکیت والے کراس بارڈر ای کامرس پلیٹ فارم کے اعداد و شمار کے مطابق "چینی ڈریگن” کے عناصر کے ساتھ مصنوعات 100 سے زائد بیرونی ممالک میں شاندار انداز میں فروخت ہو رہی ہیں۔
چین کی گھریلو مصنوعات صرف جشن بہار کے موقع پر ہی مقبول نہیں ہیں بلکہ گزشتہ برس جنوبی کوریا میں "بلیک فرائیڈے” کی سیل میں ان مصنوعات کی فروخت غالب رہی ۔
حالیہ برسوں میں، یورپی لوگوں نے اکثر "ہیٹنگ گیجٹ” جیسے چینی الیکٹرک کمبل کا استعمال کیا ہے۔ چینی چائے کے مشروبات اور گھریلو کاسمیٹکس بھی بیرون ملک مقیم نوجوانوں میں مقبول ہیں۔
صارفین کے لیے "اچھی کوالٹی” پہلی ڈیمانڈ ہے۔ گھریلو الیکٹرک موٹر سائکل کو ایک مثال کے طور پر لیں۔ اس سال نئے سال کے آغاز سے، ای کامرس پلیٹ فارمز سے چینی الیکٹرک ٹرائی سائیکلوں کا آرڈر دینے والے امریکی صارفین کی تعداد میں خوب اضافہ ہوا ہے۔ "میڈ اِن چائنا” کی مقبولیت کے پیچھے اعلیٰ معیار، پختہ ٹیکنالوجی، طویل مدتی جمع شدہ صنعتی اور سپلائی چین کے فوائد ہیں۔
اس کے علاوہ، خریداری کے اچھے تجربے کو بیرون ملک مقیم صارفین بھی تسلیم کرتے ہیں۔ اعداد و شمار کے مطابق، 2023 میں ٹاپ ٹین عالمی شاپنگ ایپ ڈاؤن لوڈز میں، چینی ای کامرس پلیٹ فارمز کا حصہ نصف ہے۔
