اسلام آباد (این این آئی)پاکستان ریلوے نے عیدالفطر کے پر مسرت موقع پر اضافی رش کے پیش نظر 5سپیشل ٹرینیں چلانے کااعلان کیا ہے ۔ منگل کو جاری بیان کے مطابق وفاقی وزیر ریلوے شیخ رشید احمد کی خصوصی ہدایت پر چیف ایگزیکٹو آفیسر پاکستان ریلوے محمد آفتاب اکبرکی منظوری کے بعد باقاعدہ شیڈول جاری کر دیا گیا ۔
ترجمان پاکستان ریلوے کے مطابق پہلی سپیشل ٹرین کراچی سٹی سے 2 جون کو صبح 10.45 بجے پشاور کے لئے روانہ ہو گی۔ترجمان پاکستان ریلوے کے مطابق دوسری عید سپیشل ٹرین 2 جون کو کوئٹہ سے دن 11.30 بجے راولپنڈی کے لئے روانہ ہو گی۔ترجمان پاکستان ریلوے کے مطابق تیسری سپیشل ٹرین 3 جون دن 11 بجے کراچی کینٹ سے لاہور کے لئے روانہ ہو گی۔ترجمان پاکستان ریلوے کے مطابق چوتھی سپیشل 8 جون کو راولپنڈی سے صبح 8 بجے کوئٹہ کے لئے روانہ ہو گی۔ترجمان پاکستان ریلوے کے مطابق پانچویں سپیشل ٹرین 8 جون کو لاہور سے شام چھ بجے کراچی کینٹ کے لئے روانہ ہو گی۔ترجمان پاکستان ریلوے کے مطابق عید سپیشل ٹرینوں کی بکنگ (آج) بدھ 29 مئی سے شروع ہوجائے گی اور ٹکٹ آن لائن اور ریزرویشن دفاتر سے حاصل کیے جا سکیں گے۔
