اسلا م آباد (لاہورنامہ)شہرہ آفاق ترک سیریز ’ارطغرل غازی‘ کی مقبولیت کے بعد مرکزی کردار انجن التان کا پاکستان میں ہمشکل سامنے آگیا
اور سوشل میڈیا پر معروف شخصیت بن گیا۔
کراچی سے تعلق رکھنے والے انجن التان کے ہمشکل مصطفی حنیف کو سوشل میڈیا پر انجن التان سے مشابہت کی وجہ سے ’پاکستانی ارطغرل‘ کہا جاتا ہے۔
مصطفی حنیف بین الاقوامی تعلقات(آئی آر) میں ماسٹرز کی ڈگری رکھتے ہیں
اور ایک نجی ادارے میں ملازم ہیں۔
مصطفی حنیف کا اپنی مماثلت کے حوالے سے کہنا ہے کہ ’ارطغرل غازی‘ کے پاکستان میں نشر کیے جانے سے پہلے بھی ان کے دوست انہیں مرکزی کردار سے مشابہہ قرار دیتے تھے
تاہم انہوں نے کبھی اس بات پر غور نہیں۔مصطفی نے بتایا کہ دوستوں کے اسرار پر جب میں نے ڈرامہ دیکھا تو حیران ہی رہ گیا
کیونکہ مرکزی کردار بلکل میرے جیسا تھا۔
وطن عزیز میں ’پاکستانی ارطغرل‘ سے شہرت حاصل کرنے والے مصطفی حنیف کا اپنا یوٹیوب چینل ہے
جس پر وہ سیر و سیاحت سے متعلق مواد شیئر کرتے رہتے ہیں۔ارطغرل غازی کے پاکستان میں نشر ہونے اور مقبولیت کے بعد مصطفی حنیف نے سیاحت کے ساتھ ساتھ اس ڈرامے پر اپنے ریویوز کی ویڈیوز بھی شیئر کرنا شروع کیں
جنہیں سوشل میڈیا پر بے پناہ پذیرائی مل رہی ہے۔
مصطفی حنیف نے اس خواہش کا اظہار کیا کہ وہ ترکی جا کر اس ڈرامے کے مرکزی کردار انجن التان سمیت کاسٹ میں شامل دیگر اداکاروں سے خصوصی طور پر ملنا چاہتے ہیں۔
