لاہور(لاہورنامہ) وزیراعلیٰ پنجاب سردار عثمان بزدار آج ننکانہ صاحب میں وفاقی وزیر داخلہ بریگیڈئر(ر) اعجاز احمد شاہ کی رہائش گاہ پر گئے –
وزیراعلیٰ عثمان بزدارنے وفاقی وزیر داخلہ بریگیڈئر(ر) اعجاز احمد شاہ سے ان کے بھائی حسن احمد شاہ کے انتقال پر افسوس کااظہار کیا-
وزیراعلیٰ عثمان بزدارنے اعجاز احمد شاہ اور سوگوار خاندان سے دلی ہمدردی و تعزیت کااظہار کیا اور مرحوم کی روح کے ایصال ثواب کے لئے فاتحہ خوانی کی۔
وزیراعلیٰ عثمان بزدارنے سوگوار خاندان کے لئے صبر جمیل کی دعا کی-وزیراعلیٰ عثمان بزدار نے کہاکہ اپنے پیارے کے بچھڑ جانے کا دکھ الفاظ میں بیان نہیں کیا جا سکتا۔
آپ کے بھائی کے انتقال پر دلی دکھ ہواہے-اللہ تعالیٰ آپ اور غمزدہ خاندان کو یہ صدمہ برداشت کرنے کی توفیق عطا فرمائے-مشیروزیراعلیٰ آصف محمود، اراکین پنجاب اسمبلی خرم اعجاز چٹھہ، عمرآفتاب اور پارٹی عہدیداران بھی اس موقع پر موجود تھے-
