ٹیکسلا (لاہورنامہ) وفاقی وزیر ہوابازی غلام سرور خان نے کہا ہے کہ نواز شریف پر غداری کے مقدمے کےلئے عوامید دبائو ہے،
عوامی مطالبے پرنواز شریف پر غداری کے مقدمے کےلئے سوچ رہے ہیں.
عوامی اجتماع سے خطاب کرتے ہوئے وفاقی وزیر غلام سرور نے کہا کہ مولانا فضل الرحمٰن، وزیراعظم سے استعفا لینے آئے تھے مگر وظیفہ لے کر چلے گئے۔
غلام سرور نے کہا کہ نواز شریف نے جونیجو، گیلانی اور ضیاءکے ساتھ کیا سلوک کیا؟انہوں نے کہا کہ نوازشریف نے آصف نواز، اسحاق خان اور جہانگیر کرامت کے ساتھ کیا سلوک کیا؟
غلام سرور خان نے کہا کہ نواز شریف کے بیانیے پر بھارتی میڈیا شادیانے بجارہا ہے۔
وفاقی وزیر نے کہا کہ نواز شریف کا کڑا احتساب ہونا چاہیے، نواز شریف کا لندن میں بھی محاسبہ کریں گے۔
انہوں نے کہاکہ ان کی ذاتی رائے یہ ہے کہ پارلیمنٹ، کابینہ اور بیورو کریسی میں شامل افراد کی دہری شہریت نہیں ہونی چاہیے۔
غلام سرور خان نے کہا کہ انہوں نے بیرون ملک پاکستانیوں کو خود سے زیادہ ملک سے وفادار پایا ہے.
