اسلام آباد (لاہورنامہ) وزیر خارجہ شاہ محمود قریشی نے کہا ہے کہ ترقی پذیر ممالک کیلئے کورونا کے معاشی مضمرات سے نمٹنا مشکل امر ہے ،
وزیر اعظم نے کمزور معیشتوں کیلئے قرض کی مد میں چھوٹ کی تجویز دی۔
وزیر خارجہ شاہ محمود قریشی نے کنزر ویٹو فرینڈز آف پاکستان کے ورچوئل اجلاس میں بطور مہمان خصوصی شرکت کی۔
اجلاس میں خطاب کرتے ہوئے شاہ محمودقریشی نے کہا کہ برطانیہ میں پاکستانی شہریوں کی موجودگی تعلقات کے استحکام کا مظہر ہیں،
کورونا نے دنیا بھر کی معیشت کو بری طرح متاثرکیا ، ترقی پذیر ممالک کیلئے کورونا کے معاشی مضمرات سے نمٹنا مشکل امر ہے ،
وزیر خارجہ نے کہا کہ پاکستان کورونا کے پھیلا وکو کافی حدکم کرنے میں کامیاب ہوا،
وبا کے خلاف پاکستانی نژاد برطانوی شہریوں اور ڈاکٹرزنے خدمات انجام دیں ،
وباکیخلاف لڑتے ہوئے جانوں کانذرانہ دینے والوں کوخراج عقیدت پیش کرتے ہیں ،
پاکستان نےذمہ دارانہ معاشی پالیسیوں کو اپنایا ہے۔
شاہ محمود قریشی نے مقبوضہ کشمیرمیں انسانی حقوق کی خلاف ورزیوں سے آگاہ کرتے ہوئے کہا بھارت نے یکطرفہ اقدامات سے خطے کے امن کوخطرے سے دوچار کردیا،
بھارت مقبوضہ کشمیر کے آبادیاتی تناسب تبدیل کرنے کے درپے ہے۔
انھوں نے مطالبہ کیا کہ مقبوضہ کشمیرمیں انسانی حقوق کی خلاف ورزیوں کوفوری روکاجائے اور عالمی قراردادوں کی روشنی میں مسئلے کے حل کیلئے بھارت پر دبا ڈالا جائے۔
