اسلام آباد (لاہورنامہ)علامہ اقبال اوپن یونیورسٹی کے سمسٹر بہار 2021ء کے پہلے مرحلے میں پیش کئے گئے میٹرک(جنرل)، میٹرک(درس نظامی)، ایف اے(جنرل)، ایف اے(درس نظامی)اور آئی کام پروگراموں کے لیٹ فیس چارجز کے ساتھ داخلوں کی آج(جمعہ5 مارچ)آخری تاریخ ہے۔
اِن پروگرامز کے پراسپکٹس اور داخلہ فارم اسلام آباد میں یونیورسٹی کے مین کیمپس، علاقائی کیمپسز/رابطہ دفاتر اور ملک بھر میں قائم کردہ سیل پوائنٹس سے حاصل کئے جاسکتے ہیں۔
طلباء الائیڈ بینک، ایم سی بی، یونائیٹڈ بینک اور فرسٹ وویمن بینک کی کسی بھی برانچ میں داخلہ فیس آج بینک کے اوقات کارکے د وران جمع کراسکتے ہیں۔واضح رہے کہ داخلہ فیس صرف بینک چالان، جاز کیشن، ایزی پیسہ اور یو پیسہ کی موبائیل ایپ *786#USSDسٹرنگ/ریٹیلر ایجنٹ/فرنچائرزاور موبی لنک، ٹیلی نار،یو بینک کی برانچز کے ذریعے قبول کی جائے گی، چیک/بینک ڈرافٹ/پے آرڈر قابل قبول نہیں ہوگی۔
علاوہ ازیں سمسٹربہار2021ء کے دوسرے مرحلے کے داخلے25۔مارچ تک جاری رہیں گے۔ پیش کئے جانے والے پروگرامز میں بی اے( ایسوسی ایٹ ڈگری)، بی ایس، بی بی اے، ایسوسی ایٹ ڈگری، ایم اے/ایم ایس سی اورپوسٹ گریجویٹ ڈپلومہ پروگرامز شامل ہیں۔ ان پروگراموں کے داخلہ فارم اور پراسپکٹس یونیورسٹی کی ویب سائٹ
(http://online.aiou.edu.pk)پردستیاب ہیں۔داخلے کے خواہشمند افراد مقررہ تاریخ تک آن لائن اپلائی کرسکتے ہیں۔
