لاہور( لاہورنامہ)نامور اداکارہ روبی انعم نے سینئر رائٹر منیر راج کو پرائیڈ آف پرفارمنس دینے کا مطالبہ کر دیا ۔
روبی انعم نے کہا کہ اسٹیج ڈرامہ رائٹر منیر راج گزشتہ چاردہائیوں سے اسٹیج سے وابستہ ہیں اور انہوں نے بڑے لازوال ڈرامے لکھے ہیں ۔ اسٹیج ڈرامے کے حوالے سے ان کی خدمات کسی سے پوشیدہ نہیں ۔
انہوں نے بتایا کہ میں نے اپہلا ڈرامہ بھی منیر راج کے ساتھ کیا تھا جس میں میرے کردار کو بڑی پذیرائی ملی۔ انہوں نے کہا کہ لیجنڈ رائٹروں کو نظر انداز کرنے کی بجائے انہیں عزت و احترام دیا جانا چاہیے اورمیری حکومت سے اپیل ہے کہ اس سال منیر راج کو پرائیڈ آف پرفارمنس سے نوازا جائے۔
