کراچی (لاہورنامہ) چیئرمین پی پی پی بلاول بھٹو زرداری نے کہا ہے کہ شہید میر مرتضی بھٹو کو ایک گہنونی سازش کے تحت شہید کیا گیا تھا۔شہید میر مرتضی بھٹو کے یومِ شہادت کے موقع پر بلاول بھٹو زرداری نے کہا شہید میر مرتضی بھٹو کو ایک گہنونی سازش کے تحت شہید کیا گیا،
جبکہ وہ سازش یہ تھی کہ ایک بھٹو کو نشانہ بنانے کے لیئے، دوسرے بھٹو کو قتل کردو۔ چیئرمین پی پی پی بلاول بھٹو زرداری کا کہنا تھا کہ قائدِ عوام کے عدالتی قتل کے بعد ملک پر آمریت مسلط کی گئی، تو شہید میر مرتضی بھٹو نے ایسی آمریت کو مسترد کردیا تھا۔
چیئرمین پی پی پی بلاول بھٹو زرداری کا کہنا تھا کہ انہوں نے بھٹو خاندان کے دیگر افراد کی طرح عوام کے حقوق کے لیے آواز اٹھای اور جدوجہد کے میدان میں کھڑے ہوگے۔ چیئرمین پی پی پی بلاول بھٹو زرداری کا مزید کہنا تھا کہ شہید میر مرتضی بھٹو جمہوریت کے لیے جدوجہد اور قربانیوں کے باعث بھٹو خاندان کے دیگر افراد کی طرح ہمیشہ عوام کی دلوں میں زندہ و جاوید رہیں گے۔
