لاہور(لاہورنامہ)صوبائی دارالحکومت لاہور سمیت ملک کے مختلف علاقوں میں بجلی کی غیر اعلانیہ لوڈ شیڈنگ کا سلسلہ شروع ہو گیا ۔
تفصیلات کے مطابق گزشتہ روز لاہور سمیت ملک کے مختلف علاقوں میں وقفے وقفے سے ایک ، ایک گھنٹہ کی لوڈ شیڈنگ شروع ہو گئی ہے۔ غیر اعلانیہ لوڈشیڈنگ کی وجہ سے عوام کو شدید مشکلات کا سامنا کرنا پڑا۔ایک شہری اسد نے بتایا کہ ان کے علاقے میں بھی ہر ایک گھنٹے کے بعد بجلی کی آنکھ مچولی ہو رہی ہے جس کی وجہ سے وہ بہت پریشان ہیں.
رمضان المبارک کی آمدآمد ہے اور بجلی کی غیر اعلانیہ کئی گھنٹوں تک پہنچ چکی ہے ۔کئی علاقوں میں گیس بھی نہیں آر ہی جس کی وجہ سے خواتین کو کچن کے امورسر انجام دینے میں مشکلات درپیش ہیں۔
