لینکولین:بنگلہ دیشی ٹیم نیوزی لینڈ الیون کے خلاف دو روزہ ٹور کرکٹ میچ کے پہلے روز اپنی پہلی اننگز میں 411 رنز بنا کر آﺅٹ ہو گئی، بنگال ٹائیگرز کے بلے بازوں نے ٹیسٹ سیریز سے قبل بھرپور انداز سے اپنی صلاحیتوں کا استعمال کیا اور چار کھلاڑیوں نے نصف سنچریاں سکور کیں، شادمان اسلام 67 رنز بنا کر نمایاں رہے جبکہ لٹن داس 62 کپتان محموداللہ 59 اور مہدی حسن میراز 51 رنز بنا کر ریٹائرڈ ناٹ آﺅٹ رہے، تمیم اقبال 45، مومن الحق 20، سومیا سرکار 41، تیجل اسلام 14، نعیم حسن 12 اور ابوجاوید 23 رنز بنا کر آﺅٹ ہوئے، کوبورن نے 2 جبکہ نوتال، سیئرز، لوکروز اور بھولا نے ایک، ایک وکٹ لی۔
