شارجہ :پی ایس ایل سیزن 4کے بارہویں میچ میںکوئٹہ گلیڈی ایٹرز نے لاہور قلندرز کو3وکٹوں سے شکست دے دی ۔لاہور قلندرز نے مقررہ 20اوورز میں 7وکٹوں کے نقصان پر 143سکور بنا یا ،اس ہدف کو کوئٹہ گلیڈی ایٹرز نے 7وکٹوں کے نقصان پر حاصل کر لیا
تفصیل کے مطابق شارجہ میں کھیلے جا نے والے میچ میں کوئٹہ گلیڈی ایٹرز نے ٹاس جیت کر پہلے فیلڈنگ کا فیصلہ کیا ۔لاہو ر قلندرز کی جانب سے فخر زمان اچھی کار کردگی کا مظاہرہ نہ کر سکے اور صرف 3رنز بنا کر آوٹ ہو گئے ،سلمان بٹ بھی 5سکور بنا کر آوٹ ہو ئے ۔سہیل اختر 29،اینڈرسن 19،ویزے 20اور گوہر علی 5سکور بنا کر آوٹ ہوئے۔کپتان اے بی ڈی ویلیئرز 45سکور بنا کر ناٹ آوٹ رہے ۔کوئٹہ گلیڈی ایٹرز کی جانب سے غلام مدثر نے 3،سہیل تنویر نے 2جبکہ محمد نواز اور انور علی نے 1,1وکٹ حاصل کی ۔
کوئٹہ گلیڈی ایٹرز کی جانب سے واٹسن صفر،ریلے روسو 17،عمر اکمل 9اور ڈیوائن سمتھ 2سکو بنا کر آوٹ ہوئے ۔کوئٹہ گلیڈ ایٹرز کی جانب سے سب سے بہترین بلے بازی کا مظاہرہ ایمرجنگ کھلاڑی احسن علی نے کیا جنہوں نے 29گیندوں پر 40رنز بنائے ۔لاہورقلندرز کی جانب سے حارث روف نے 2جبکہ راحت علی ،یاسر شاہ ،ویزے اور لیمیچنے نے ایک ،ایک وکٹ حاصل کی ۔
