لاہور، میٹرو بسیں ٹکرا گئیں، خاتون مسافر جاں بحق، 15 سے زائد زخمی، جنرل ہسپتال منتقل

لاہور: لاہور میں دومیٹرو بسیں آپس میں ٹکرا نے سے خاتون جاں بحق جبکہ 15 افراد زخمی ہوگئے،زخمیوں کو جنرل ہسپتال منتقل کر دیا گیا۔ تفصیلات کے مطابق لاہور کے علاقے گجومتہ کے قریب دو میٹرو بسیں ٹکرانے سے ایک خاتون جاں بحق جب کہ 15 سے زائد افراد زخمی ہو گئے۔ریسکیو ذرائع کے مطابق آمنے سامنے سے آنے والی دو میٹرو بسیں ٹکرانے کے بعد ٹریک بند ہونے سے بس سروس معطل ہو گئی جب کہ ریسکیو کی سات ایمبولینسز فوری طور پر موقع پر پہنچ گئیں۔ریسکیو ٹیموں نے موقع پر پہنچ کر امدادی کاموں میں حصہ لیا اور زخمیوں کو فوری طور پر جنرل اسپتال منتقل کیا۔اسپتال ذرائع کے مطابق زخمیوں کی حالت خطرے سے باہر ہے جب کہ معمولی زخمیوں کو فوری طبی امداد کے بعد ڈسچارج کر دیا گیا۔