لاہور: ماڈل نشا بٹ نے کہا ہے کہ شوبز انڈسٹری کی ترقی کیلئے نئے ٹیلنٹ کی حوصلہ افزائی بہت ضروری ہے‘ پاکستان کی فیشن انڈسٹری کا مقابلہ بین الاقوامی سطح پر کیا جاتا ہے ۔ خصوصی گفتگو کرتے ہوئے نشا بٹ نے کہا کہ یہ بات حوصلہ افزاءہے کہ فلموں‘ ٹی وی ڈراموں اور ماڈلنگ کے علاوہ فیشن کی دنیا میں بھی ہر روز نئے نئے لوگ آ رہے ہیں‘ میں ایک ماڈل کی حیثیت سے اپنا نام پیدا کرنا چاہتی ہوں۔ نشاءبٹ نے کہا کہ اب پاکستان کی فیشن انڈسٹری کا مقابلہ بین الاقوامی سطح پر کیا جاتا ہے‘ پاکستان میں اب بہت سے نئے ڈیزائنرز اور ماڈل کام کر رہے ہیں جنہوں نے دنیا میں پاکستان کی پہچان بنائی ہے۔ انہوں نے کہا کہ میں سمجھتی ہوں کہ میں فی الحال اپنی توجہ صرف ماڈلنگ پر ہی مرکوز رکھوں گی کیونکہ مجھے فی الحال اداکاری کرنے کا کوئی شوق نہیں۔
