ہملٹن : نیوزی لینڈ اور بنگلہ دیش کی کرکٹ ٹیموں کے درمیان تین ٹیسٹ میچوں پر مشتمل سیریز کا پہلا میچ جمعرات کو ہملٹن میں شروع ہو گا۔ ون ڈے سیریز جیتنے کے بعد کیویز کھلاڑیوں کا مورال بلند ہے اور وہ بنگال ٹائیگرز کو ٹیسٹ سیریز میں بھی شکست فاش سے دوچار کرنے کیلئے پر جوش دکھائی دے رہے ہیں تاہم دوسری جانب بنگلہ دیشی ٹیم ٹیسٹ سیریز جیت کر ون ڈے سیریز میں شکست کا بدلہ چکانے کی خواہاں ہے، توقع ہے کہ دونوں ٹیموں کے درمیان ٹیسٹ سیریز دلچسپ ہو گی۔ دونوں ٹیموں کے درمیان دوسرا ٹیسٹ میچ 8 سے 12 مارچ جبکہ تیسرا اور آخری ٹیسٹ میچ 16 سے 20 مارچ تک کھیلا جائے گا۔ واضح رہے کہ اس سے قبل کھیلی گئی ون ڈے سیریز میں نیوزی لینڈ نے بنگلہ دیش کو 3-0 سے وائٹ واش کیا تھا۔
