نیویارک۔: ہالی و وڈ سپر ہیرو ہاررڈرامہ فلم “برائٹ برن” کا نیا ٹریلر جاری کر دیا گیا۔ذرائع ابلاغ کے مطا بق ڈیوڈ یارووسکی کی ہدایتکاری میں بننے والی اس فلم کی کہا نی سپر مین کی طرح کسی بیرونی دنیا سے آنے والے بچے کے گرد گھوم رہی ہے جو غیر معمولی صلاحیتوں کا مالک ہوتا ہے۔ تاہم یہ بچہ انسانیت کے لئے کسی مسیحا کی طرح نہیں آتابلکہ خطرناک ترین شیطانی قوت کا مالک ہوتا ہے جو اپنے ارد گرد افراد کی جان لینے کے در پر ہو جاتاہے۔فلم میںالزبیتھ بینکس ، میٹ جونز،میریڈٹ ہینگر،جنیفر ہالینڈ اورکرسٹیان فنلیسن سمیت کئی فنکار اہم کرداروں میں جلو ہ گر ہو رہے ہیں۔فلم سونی پکچرز کے تحت 24 مئی کو نمائش کیلئے پیش کر دی جائیگی۔
