لاہور : فلم اور ٹی وی کے خوبرو اداکار احسن خان نے کہا ہے کہ فنکار بیرون ملک جہاں کہیں بھی جاتا ہے تو درحقیقت وہ اپنے ملک کی نمائندگی کررہا ہوتا ہے اور خوش آئند بات یہ ہے کہ ہمارے فنکاروں نے پوری دنیا میں امن ،محبت اور بھائی چارے کے پیغام کو فروغ دیا ۔ انہوں نے خصوصی گفتگو کرتے ہوئے کہا کہ ہم اپنے پڑوسی ملکوں کے ساتھ امن اور دوستی کے خواہشمند ہیں ،پوری دنیا اس بات کی گواہ ہے کہ ہم نے ہمیشہ امن ،محبت کے ساتھ اپنے ہمسایہ ممالک سے تعلقات نبھائے ہیں مگر بعض قوتیں ہماری امن پسندی کو کمزوری سمجھتی ہیں ایسے لوگ احمقوں کی جنت میں رہتے ہیں ۔انہوں نے کہا کہ مشکل وقت آنے پر ہمارا بچہ بچہ پاکستان کا سپاہی بن جاتا ہے ۔
