لاہور : وزیر اعلیٰ پنجاب عثمان بزدار نے کہا ہے کہ تحریک انصاف کی حکومت نے صنعتی سیکٹر کے فروغ کیلئے سپیشل اکنامک زونز کے قیام کا فیصلہ کیا ہے ،نئے صنعتی زونز کے علاوہ پرانی انڈسٹریل اسٹیٹس کو بھی ڈویلپ کیا جائے گا۔وزیراعلی عثمان بزدار نے وزیراعلی آفس میں صنعتکاروں کے وفد سے گفتگو کرتے ہوئے کہا کہ انڈسٹریل ا سٹیٹس میں صنعتکاروں کو صنعتیں لگانے کیلئے ترجیحی بنیادوں پر سہولتیں دیں گے ۔نئی صنعتیں لگانے کے لئے فائل کسی جگہ رکے گی نہیں ،لاہور:ہم صنعتکار دوست ماحول کو پروان چڑھائیں گے۔انہوں نے کہا کہ حکومت چھوٹی صنعتوں کے فروغ کیلئے انقلابی نوعیت کے ا قدامات کر رہی ہے، صنعتی شعبہ کی ترقی کیلئے کسی قسم کی ریڈ ٹیپ ازم کو حائل نہیں ہونے دیا جائے گا۔صنعتی ترقی کا عمل تیز ہونے سے روزگار کے نئے مواقع پیدا ہوں گے اورمعیشت مضبوط ہوگی۔
