لاہور: پاکستان فلم انڈسٹری کی سینئر اداکارہ و موجودہ ہدایتکارہ سنگیتا نے کہا کہ بعض مفاد پرست لوگوں کی وجہ سے فلم انڈسٹری کو نا قابل تلافی نقصان ہو رہا ہے ایسے لوگوں کو فلم انڈسٹری سے نکال باہر کرنا ہو گا۔ تمام فنکاروں ، ہدایتکاروں اور خاص طور پر پاکستانی قوم کو محب وطن ہونے کا ثبوت دیتے ہوئے بھارتی فلموں اور ڈراموں کا بائیکاٹ کرنا چاہیے۔ ایک ٹی وی چینل سے گفتگوکرتے ہوئے انہوں نے کہا کہ پاکستان قوم اپنی انڈسٹری اور فنکاروں کو سپورٹ کرے تاکہ ملک میں بھارتی فلموں اور ڈراموں کی حوصلہ شکنی ہو سکے۔
