لاہور: معروف اداکارہ نرما نے کہا ہے کہ پاکستانی فنکاروں نے اپنے فن سے پوری دنیا میں ملک کا نام روشن کیا ہے ،ہمارے فنکاربڑے باصلاحیت اور ورسٹائل ہیں پوری قوم کو اپنے فنکاروں پر فخر کرنا چاہیے ۔ ایک انٹر ویو میں اداکارہ نے کہا کہ افسوس کے ساتھ کہنا پڑتا ہے کہ دورحاضر کی تمام ٹی وی کمرشلزمیں بھارتی فنکاروں کو کاسٹ کیا جارہا ہے اوراپنے فنکاروں کو نذر انداز کیا جارہا ہے اور اس اقدام سے پاکستانی فنکاروں کی حق تلفی ہو رہی ہے۔ نرما نے مزید کہا کہ پاکستان کی موجودہ صورتحال پر تمام محب وطن سیاسی لیڈروں کو با مقصد مذاکرات کرتے ہوئے درمیانی راستہ اختیار کرنا چاہیے۔ انہوں نے کہا کہ ملک میں محبت اور بھائی چارے کی فضا قائم کرنے کیلئے حکومت وقت کو بھی مخلص ہو کر کام کرنا ہو گا اور تمام جماعتوں کو ساتھ لے کر چلنا ہو گا۔
