اسلام آباد :ہائر ایجوکیشن کمیشن اور پاکستان ٹینس فیڈریشن (پی ٹی ایف) کے اشتراک سے منعقدہ 42ویں آل پاکستان۔ ایچ ای سی ویمن ٹینس چیمپیئن شپ 2018-19 پنجاب یونیورسٹی کی ٹیم نے جیت لی ۔ یہ ٹینس چیمپیئن شپ پی ٹی ایف ٹینس کمپلیکس، گارڈن ایونیو، اسلام آباد میں منعقد کروائی گی۔ بروز جمعہ ہونے والے فائنل مقابلے میں پنجاب یونیورسٹی کی ٹیم نے لاہور کالج فار ویمن یونیورسٹی کو ہرا کر چیمپیئن شپ اپنے نام کی جبکہ یونیورسٹی آف سنٹرل پنجاب نے بہاؤالدین زکریا یونیورسٹی ، ملتان کو تیسری پوزیشن کے لیے شکست دی ۔ ان مقابلوں میں 16پاکستانی جامعات نے شرکت کی ۔ یاد رہے ہائر ایجوکیشن کمیشن پاکستانی جامعات کے مابین 35مردوں کے اور 25خواتین کے مقابلوں کا ہر سال انعقاد کرتا ہے۔
