شارجہ(ویب ڈیسک ) قومی کرکٹ ٹیم کے کپتان شعیب ملک نے کہا ہے کہ باولنگ میں غلطیوں کے باعث دوسرے ون ڈے میں بھی شکست ہوئی، ہمیں شروع میں ہی آسٹریلیا کی وکٹیں گرانی چاہئیں تھیں۔دوسرے میچ میں شکست کے بعدمیڈیا سے گفتگو میں انہوں نے کہا کہ تیسرے ون ڈے میں مزید نوجوان کھلاڑیوں کو موقع دیں گے، آسٹریلیا کے خلاف پرفارم کر کے ان کے پاس ورلڈ کپ سکواڈ میں جگہ بنانے کا سنہری موقع ہے۔
واضح رہے کہ گرین شرٹس کینگروز کے خلاف پانچ میچ کی سریز کے ابتدائی دونوں میچز ایک ہی پیٹرن پر ہاری ہے۔دونوں میچوں میں پاکستان نے ٹاس جیت کر پہلے بیٹنگ کی اور دونوں ہی میچوں میں 280 کے لگ بھگ ہدف دینے میں کامیاب رہی۔تاہم اپنی بولنگ کے لیے مشہور پاکستانی ٹیم آسٹریلوی بلے بازوں کی وکٹیں حاصل کرنے میں ناکام رہی ہے۔
