لاہور( این این آئی)وزیر اعظم عمران خان ہفتہ کولاہور ریلوے اسٹیشن پر وی آئی پی ٹرین ” جناح ایکسپریس “ کا افتتاح کریں گے ۔وزیرا عظم کی مداخلت پر ٹرین کا کرایہ کم کر کے 6500روپے مقرر کیا گیا ہے جس میں ناشتہ ، ڈنر اور لائٹ ریفریشمنٹ بھی دی جائے گی ۔
ٹرین میں ٹی وی، وائی فائی ، ہمہ وقت کیبن سروس، آن ویل ریسٹورنٹ ، بیڈنگ ، ساﺅنڈ سسٹم اور اسسریز کی سہولت بھی میسر ہو گی ۔ لاہور سے ٹرین دوپہر ڈھائی بجے جبکہ لاہور کینٹ سے سہ پہر تین بجے روانہ ہو گی۔ کراچی سے ٹرین سہ پہر تین بجے لاہور کےلئے روانہ ہو گی۔
