لاہور(صباح نیوز)پنجاب کے وزیراعلیٰ سردار عثمان بزدار نے کہا ہے کہ محض شو بازیاں کرنے سے خادم اعلی کاجعلی میڈل سینے پر نہیں سجایا جاسکتا،اس کیلئے عوام کی بے لوث خدمت اورعام آدمی کے مسائل کا احساس کرنا پڑتا ہے۔لاہورسے جاری بیان میں وزیراعلی پنجاب نے کہاکہ سابق حکمرانوں نے ذاتی نمود و نمائش کے منصوبے بنائے جن کا فائدہ عوام کو نہیں ہوا۔ عثمان بزدارنے کہاکہ ماضی کی حکومت کی ساری ترقی اشتہارات تک محدود تھی،سابق ادوار کی غلط پالیسیوں کے باعث نظام میں سرایت کی گئی خرابیاں ٹھیک کررہے ہیں۔
