اسلام آباد (این این آئی)جے ایف 17تھنڈرپیر سے شروع ہونے والے پیرس ائیر شو کے مداحوں پر سحر طاری کرینگے ۔ ترجمان پاک فضائیہ کے مطابق ائیر شو لا بورج پیرس میں پیر17 سے23 جون تک منعقد کیا جائےگا۔تین جے ایف 17 تھنڈر طیاروں پر مشتمل پاک فضائیہ کا دستہ پیرس ائیر شو میں شرکت کیلئے دو دن پہلے پیرس پہنچا تھا ۔شو میں جے ایف 17 تھنڈر کی شرکت کو بہت اہمیت کی نظر سے دیکھا جا رہا ہے،شو میں جے ایف 17 تھنڈر کی صلاحیتیوں کو ظاہر کرنے کا موقع ملے گا۔ یہ ائیر شو فرنچ ائیر و سپیس انڈسٹریز ایسوسی ایشن کے تعاون سے منعقد کی جانے والی دنیا کی سب سے بڑی نمائش ہے۔
