لاہو ر(این این آئی ) وفاقی وزیر ریلوے شیخ رشید احمد نے کہاکہ 19جولائی کو وزیراعظم عمران خان میانوالی سے نیازی ایکسپریس کا افتتاح کریں گے ۔ لاہور اور میانوالی کے درمیان چار سو میل کا ٹریک ہے اس کا پہلے خود دورہ کروں گا ۔اے سی کوچز کی سہولت بھی فراہم کی گئی ہے۔اے سی کوچ کالاہور سے میانوالی کا کرایہ 800 اور اکانومی کا 300 ہو گایہ ٹرین میانوالی کے بعدداد خیل اور ماڑی انڈس سے واپس ہو گی۔انہوں نے کہاکہ کئی سال بعد یہ ریلوے کی تاریخ میں بہت بڑا اضافہ ہو گا،اس سے علاقے کی عوام مستفید ہوں گے۔
